बनस्पति दिवसको अवसरमा सप्ताह व्यापी कार्यक्रम सुरुवात

२३ चैत २०८०/ सल्यान

सल्यानमा टिमुरको बिरुवा रोपेर बनस्पति दिवसको सुरुवात गरिएको छ ।

शुक्रबार दिवसको अवसरमा सल्यानका प्रमुख जिल्ला अधिकारी शम्भु प्रसाद रेग्मीले टिमुरका बिरुवा रोपेर सप्ताहरुपी कार्यक्रमको उद्घाटन गर्नुभएको हो ।

यो बर्ष दिवसका अवसरमा हुने सप्ताहव्यापी कार्यक्रममा टिमुर विशेष कृयाकलाप हुने वनस्पती अनुसन्धान केन्द्र सल्यानका प्रमुख डाक्टर मित्र पाठकले जानकारी दिनुभयो । उहाँले दिवसको अवसरमा ब्याडमिन्टन प्रतियोगिता, उत्कृष्ट कर्मचारी पुरस्कार बितरण, जैबिक विविधता सम्मान लगायत बिरुवा रोपण आदी कार्यक्रम संचालन गरिने बताउँनु भएको छ ।स्थानीय समुन्नतीमा स्वस्थानीय वनस्पति’ भन्ने नाराका साथ यो बर्ष मनाइदै गरेको वनस्पति विभागको ६४ औं बार्षिकोत्सव तथा २५ औं वनस्पति दिवसको उपलक्ष्यमा वनस्पति अनुसन्धान केन्द्र सल्यानले सप्ताहरुपी कार्यक्रमको आयोजना गरेको हो ।

प्रमुख जिल्ला अधिकारी रेग्मीले मुलपानी बनस्पति उद्यानको अवलोकन गर्दै थप सुधारका लागि मार्गनिर्देशन गर्नुभएको थियो ।

प्रतिक्रिया दिनुहोस