२३ भदौ २०८१/ सल्यान
सल्यानमा फुटबल प्रतियोगिता हुने भएको छ ।
विजया दशमीको अवसरमा सल्यान खलंगाको लुहापिङमा प्रथम सल्यान टेक गोल्ड कप प्रतियोगिताको संचालन हुने भएको हो ।
सल्यान टेक प्राइभेट लिमिटेडले सल्यानले आगामी असाेज १८ गते देखि २२ गते सम्म प्रथम सल्यान टेक गोल्ड कप जिल्ला स्तरीय फुटबल प्रतियोगिताको आयोजना गरेको छ ।
खेल विकास र विस्तार गर्ने उदेश्य सहित आयोजना गरिएको
फुटबल प्रतियाेगितामा बिजेता टिमलाई ६६ हजार ६ सय ६६ रूपैयाँकाे पुरस्कार घाेषणा गरिएकाे आयोजक टिमले बताएको हो ।
यस्तै उपबिजेता टिमलाई ३१ हजार १ सय ११ रूपैयाँ पुरस्कार दिइने सल्यान टेक प्राइभेट लिमिटेडका संचालक बासुदेव चलाउनेले बताउनु भयो ।उहाँले इच्छुक टिमलाई प्रतियोगितामा भाग लिन आग्रह गर्नु भएको छ । चलाउनेले टिम दर्ताका लागि ५ हजार ५ सय दस्तुर राखिएकाे बताउनु भएको छ ।
