३२ साउन २०८१/ रोल्पा
रोल्पामा खोलाले बगाउँदा एक महिला बेपत्ता भएकी छिन् ।
जिल्लाको गंगादेव गाउँपालिका वडा नं.२मा पर्ने सुखा ओडार खोलाले बगाउँदा सोहि वडाकी तुलसी कामी बेपत्ता भएकी हुन ।
विहिवार साँझ सुखाओडार बजारबाट हेलुङ्खोला घर तर्फ जादै गरेकी ३५ बर्षिया तुलसा कामी गोरेटो बाटो बाट चिप्लिएर सुखा ओडार खोलामा खस्दा खोलाले बगाएर बेपत्ता बनाएको प्रहरीले जनाएको छ ।
तुलसा बेपत्ता भएकाे जानकारी प्राप्त हुनसाथ इलाका प्रहरी कार्यालय जिनावाङ बाट प्रहरी सहायक निरीक्षक अमलेश कुमार लोधको कमाण्डमा ९ जना प्रहरी र स्थानीय गरी रातीसम्म खोजी गरेको र खोजतलास गर्दा समेत तुलसा फेला नपरेको जिल्ला प्रहरी कार्यालय राेल्पाका प्रवक्ता प्रहरी निरीक्षक केशवराज बराकाेटीले बताउनु भएको छ ।
उहाँका अनुसार इलाका प्रहरी कार्यालय घर्तीगाउँबाट थप प्रहरी परिचालन गरि तुलसाको खोजी कार्य भैरहेको छ ।
