नेरुडे मिर्मिरे लघुबित्तीय संस्था द्वारा आगलागी पीडित चलाउनेलाई राहत रकम हस्तान्तरण

गत वैशाख १० गते आगलागी भएको सुर्य नास्ता पसललाई राहत स्वरुप नगद रु १० हजार प्रदान गरिएको हो । शुक्रवार भएको रकम हस्तान्तरण कार्यक्रमम बोल्दै सल्यान उद्योग वाणिज्य संघका अध्यक्ष विरेन्द्र कुमार श्रेष्ठले आपतको समयमा आर्थिक सहयोग गर्नु भएकोमा लघुवित्तीय संस्थालाई धन्यवाद दिनु भएको थियो ।उहाँले उद्योग वाणिज्य संघ सल्यानमा आवद्ध सम्पुर्ण व्यापारी,व्यवसायी,उद्योगीहरुको समस्या लाई समाधान गर्न आफुहरु सधै तत्पर रहने बताउनु भयो ।नेरुडे मिर्मिरे लघु वित्तिय संस्थाका प्रदेश प्रमुख तेज बहादुर खत्रीले आफ्नो संस्थाले संचालन गरेको श्रीनगर शाखा अन्तर्गत केन्द्र नं.५१ खहरे पिपल व्यवसायिक समुहमा, होटेल संचालक अम्बर चलाउने सदस्य रहनु भएको र उहाँको पसलमा आगलागी भएपछि थोरै भएपनी राहत होस भनेर आफ्नो संस्थाले नगद रकम हस्तान्तरण गरेको बताउनु भयो ।