६ जेष्ठ २०८१/ सल्यान
सल्यानमा सवारी दुर्घटना परि दुई जना व्यक्ति घाइते भएका छन् ।
जिल्लाको शारदा नगरपालिका वडा नं. १ पटनेरीमा भएको सवारी दुर्घटनामा परि दुई जना व्यक्ति घाइते भएका हुन ।
आइतबार दिउँसो करिब साढे १ बजे श्रीनगर बाट खलंगा जादै गरेको रा ७ प २४१७ नम्बर मोटरसाइकल र बिपरित दिसा बाट आएको बा १६ च ५५५० नम्बरको स्कारपियो एक आपसमा ठोकिदा मोटरसाइकल चालक कपुरकोट गाउँपालिका वडा नं.१ उनवाङका १९ बर्षिया प्रेम क्षेत्री र मोटरसाइकलमा सवार सोही ठाउँका ३१ बर्षिया राकेश क्षेत्री घाइते भएको जिल्ला प्रहरी कार्यालय सल्यानले जनाएको छ ।
उक्त घटनामा परी मोटरसाइकल चालक प्रेम क्षेत्रीको मुख, टाउको, निधार र हातमा चोट लागेको अवस्था मध्यम रहेको र मोटरसाइकल सवार राकेश क्षेत्रीको हात र निधारमा चोट लागेको अवस्था सामान्य रहेको र घटना स्थलबाट स्कारपियो चालक,स्कारपियो र मोटरसाइकल लाई प्रहरीले नियन्त्रणमा लिएको जिल्ला प्रहरी कार्यालय सल्यानका सुचना अधिकारी भवानी प्रशाद धमलाले बताउनु भएको छ ।
दुवै जनाको श्रीनगरमा रहेको सल्यान कर्णाली अस्पताल प्रालिमा सामान्य उपचार पछि थप उपचारको लागि नेपालगन्ज रिफर गरिएको अस्पताल संचालक गंगाराम डिसीले बताउँनु भएको छ ।
