३० वैशाख २०८१ / सल्यान
सल्यानमा एक दम्पती मृत फेला परेका छन् ।
जिल्लाको बनगाड कुपिण्डे नगरपालिका ४ देउलीका मनोज बुढाका दम्पती मृत फेला परेका हुन् ।
३४ बर्षिया मनोज बुढा र ३२ बर्षिया उनकी श्रीमती कमला बुढा मृत अवस्थामा फेला परेको जिल्ला प्रहरी कार्यालय सल्यानले जनाएको छ । घटनाको प्रकृति हेर्दा श्रीमानले श्रीमतीको हत्यापछि आफूले पनि आत्महत्या गरेको जस्तो देखिएको जिल्ला प्रहरी कार्यालय सल्यानका प्रहरी प्रमुख, नवीन कार्कीले बताउनु भयो ।
मनोज आफ्नै घर पछाडी झुण्डिएको अवस्थामा फेला परेका छन् भने कमलाको घाँटीमा धारिलो हतियार प्रयोग भएको देखिएको कार्कीले बताउनु भयो ।
