२९ वैशाख २०८१/ सल्यान
सल्यानको शारदा नगरपालिका वडा नम्बर १२ को नव निर्मित वडा कार्यालय भवन उद्घाटन गरिएको छ ।
शुक्रबार भवन उद्घाटन कार्यक्रममा बोल्दै शारदा नगरपालिकाका नगर प्रमुख प्रकाश भण्डारीले, जनताको सहज सेवा प्रवाहका लागि व्यवस्थित र सुविधा सम्पन्न वडा भवनको आवस्यकतालाई महसुस गरि वडा कार्यलयको भवन निर्माण गरिएको बताउनु भयो ।कार्यक्रमका प्रमुख अतिथि समेत रहनु भएका भण्डारीले
बनाउन बाँकी वडामा पनि क्रमिक रुपमा वडा कार्यालय भवन निर्माण गरिने बताउनु भयो ।उहाँले शारदा नगरपालिका बासी नागरिक लाई सहज सेवा सुविधा दिनु आफुहरुको पहिलो कर्तव्य रहेको बताउँनु भयो ।
कार्यक्रममा वडा कार्यालयलाई जग्गा दान गर्नुभएका सोही वडा निवासी भुमा बोहरा र स्व. नेत्र बहादुर बोहराका छोरा प्रकाश बोहराको लाई कदर पत्र सहित सम्मान गरिएको थियो ।शारदा नगरपालिका वडानं.१२ का वडा अध्यक्ष सुरेन्द्र बुढाको अध्यक्षता, वडा सदस्य ओम लाल बस्नेतको स्वागत मन्तव्य बाट सुरु भएको कार्यक्रममा शारदा नगरपालिकाकी उप प्रमुख सुस्मिता सापकोटा सुनार, प्रमुख प्रशासकीय अधिकृत ओम प्रकाश देवकोटा, वडा अध्यक्षहरुको तर्फबाट ५ नम्बर वडा अध्यक्ष प्रदिप शाहिले मन्तव्य राख्नु भएको थियो ।
कार्यक्रममा वडा नम्बर १,२,३,४,५,१३,१४ र १५ का वडाअध्यक्षहरु कार्यपालिका सदस्यहरु, वडाका जनप्रतिनिधि, विभिन्न दलका प्रतिनिधि, शिक्षक, विद्यार्थी, सुरक्षाकर्मी, पत्रकार लगायत स्थानीयहरुको उपस्थिती रहेको थियो ।
