२ वैशाख २०८१ / सल्यान
हाट बजार ब्यवस्थित गर्नको लागि सल्यानको कपुरकोटमा चार कोठे भवन निर्माण गरिने भएको छ ।
आइतबार उक्त भवनको शिलान्यास गर्दै कपुरकोट गाउँपालिकाका अध्यक्ष दुर्गा बहादुर पुनले सल्यान जिल्लामै सवै भन्दा बढी उत्पादन हुने तरकारी लाई व्यवस्थितका साथ निर्यात गर्नको लागि उक्त भवनको आवश्यकता रहेको बताउनु भयो ।
भवनको कपुरकोट गाउँपालिका अध्यक्ष दुर्गा बहादुर पुन, उपाध्यक्ष प्रकाश भण्डारी, ३ नम्बर वडाका अध्यक्ष प्रदिप खडका, कपुरकोट कृषि उपज वजार संचालक समितिका अध्यक्ष तिलक शर्मा सहितको सहभागितामा भवन शिलान्यास गरिएको हो ।
भवन निर्माणको जिम्मा भुवनेश्वरी बिल्डर्स कपुरकोट–४ ले रु.५६ लाख १८ हजार ६ सय २३ मा लिएको छ । भवन निर्माणको काम यही असार मसान्त सम्म गरिसक्नुपर्ने छ ।
