९ फागुन २०८०/ सल्यान
सल्यानमा खुल्ला भलिबल प्रतियोगिता हुने भएको छ ।
छत्रेश्वरी युवा क्लव छत्रेश्वरी गाउँपालिका वडा नं.७ शंखमुलको आयोजनामा खुल्ला भलिबल प्रतियोगिता संचालन हुन लागेको हो ।
खेलकुद बिकास र विस्तारको लागि खेल, खेलाडीको पहिचान तथा बिकासका लागि फागुन १३ गते देखि १५ गते सम्म तीन दिन सम्म छत्रेश्वरी ७ शंखमुल पुलचोक मन्दीर छेउमा भलिबल प्रतियोगिता हुने छत्रेश्वरी युवा क्लबका अध्यक्ष शंकर बुढाथोकीले बताउँनु भएको छ ।
उहाँका अनुसार जिल्ला व्यापी खुल्ला भलिबल प्रतियोगिताको प्रथम पुरस्कार ७५ हजार,दोस्रो पुरस्कार ५० हजार र तेस्रो पुरस्कार ३५ हजार नगद, मेडल र प्रमाणपत्र रहेको छ ।
भलिबल प्रतियोगितामा सहभागी हुनको लागि नियम अनुसार आफ्नो टिमलाई दर्ता गर्न आयोजक टिमले अनुरोध गरेको छ ।
