४ माघ २०८०/ सल्यान
सल्यानमा अटो दुर्घटना हुँदा एक जना घाइते भएका छन् ।
जिल्लाको खलंगा लुहापिङमा भएको अटो दुर्घटना परि शारदा नगरपालिका वडानं.६ बरालाकी २९ बर्षिया सरस्वती परियार घाइते भएकी हुन ।
बिहीबार दिउँसो सल्यान शारदा नगरपालिका १ श्रीनगरबाट खलंगा जाँदै गरेको रा १ ह ४२३७ नम्बरको अटो दुर्घटना हुँदा परियारको बायाँ खुट्टा र छातीमा चोट लागेको जिल्ला प्रहरी कार्यालय सल्यानले जनाएको छ । घाइते परियारको जिल्ला अस्पतालमा उपचार भइरहेको जिल्ला प्रहरी कार्यालय सल्यानका सूचना अधिकारी भवानी प्रसाद धमलाले जानकारी दिनु भयो ।
अटो अनियन्त्रित भइ सडकमै पल्टिएको उहाँको भनाई छ । चालक र अटोलाई प्रहरीले नियन्त्रणमा लिएको धमलाले बताउनु भयो ।
