७ पौष २०८०/ सल्यान
सल्यानमा जेसिबी दुर्घटना हुँदा एक जनाको मृत्यु भएको छ ।
जिल्लाको बागचौर नगरपालिका वडानं.३ पुतलिवास स्यालागैरामा भएको जेसीवी दुर्घटनामा परि सहचालको मृत्युु भएको हो ।
शनिबार बिहान रा १ क ८५९ नम्बरको जेसिबी दुर्घटना हुँदा दाङ गडवा गाउँपालिका ५ का २४ बर्षिया सहचालक दीपेन्द्र चौधरीको घटनास्थलमा नै मृत्यु भएको जिल्ला प्रहरी कार्यालय सल्यानले जनाएको छ ।
तिरु पाते कम्पनीको जेसिबि सडक निर्माणका क्रममा अनियन्त्रित हुँदा सडकबाट अन्दाजी १० मिटर तल खस्दा चौधरीलाई जेसिबिले च्यापेको जिल्ला प्रहरी कार्यालय सल्यानका सूचना अधिकारी भवानी प्रसाद धमलाले जानकारी दिनु भयो । घटनाको अनुसन्धान भइ रहेको उहाँले बताउनु भएको छ ।
