१६ मंसीर २०८०/ सल्यान
नेकपा माओवादी केन्द्रका महासचिव देव गुरुङ्गलेमाओवादी केन्द्र सुदृढ भएमा मात्रै लोकतान्त्रीक गणतन्त्र र सिङ्गो देश सुदृढ हुने बताउनु भएको छ ।
नेकपा माओवादी केन्द्र बनगाड कुपिण्डेको आयोजनामा शुक्रबार सल्लीबजारमा भएको संकल्प सभामा बोल्दै पार्टी रुपान्तरणको अभियानमा जोडिएको बेला आफुहरु रुपान्तरण अभियानमा लागेकोले अभियानले समाजवादी क्रान्तिको ढोका खुलाउदै राष्ट्रिय अस्मिता सुदृढ बनाउन सहयोग गर्ने बताउनु भएको छ।पुर्व मन्त्री समेत रहेका गुरुङले माओवादी केन्द्रको नेतृत्वमा अगाडि बढ्न सके परिवर्नतन सहित मुलुकको रक्षा गर्न सकिने भन्दै उहाँले माओवादी केन्द्र जनताको मुटुमुटुमा स्थापित भएको समेत बताउनु भयो ।
संघीय लोकतान्त्रीक गणतन्त्र नेपालको मौलिक परिवर्तित व्यवस्था भएको भन्दै गुरुङले जनताका अधिकार कुन्ठित गर्ने सामान्तवादी राजतन्त्रात्मक व्यवस्थाको अन्त्य भएर मुलुकमा आएको परिवर्तन जनयुद्धको महान उपलब्धी भएको र सहिदहरुको त्याग,तपस्या बलिदानको परिणाम स्वरुप प्राप्त भएको परिवर्तनको रक्षा गर्दै थप आर्थिक सामाजिक परिवर्तनको लागि अर्को यात्रामा फेरी पनि आफ्नो पार्टी अगाडि बढ्नुपर्ने बताउनु भयो ।
सभालाई पार्टीका केन्द्रिय सदस्यहरु नरेश भण्डारी, कृति बहादुर पुन, भिम प्रकाश शर्मा, विमला केसी, कर्ण बहादुर बुढाथोकी लगाएतका नेताले सम्बोधन गर्नु भएको थियो ।उहाँहरुले माओवादी रुपान्तरण हुन आवश्यक रहेको भन्दै पार्टीले प्राप्त गरेका उपलब्धिहरुको रक्षा गर्नु पहिलो आवश्यकता भएको बताउनु भयो ।
default
संकल्प सभा कार्यक्रममा अन्य पार्टी छोडी दर्जन बढी व्यक्तिले माओवादी केन्द्रमा प्रवेश गरेका हुन् ।माओवादी केन्द्र बनगाडका नेता कृति बहादुर राणा ( दिप) को स्वागत मन्तव्य,पार्टी नगर अध्यक्ष दुर्गा बहादुर बुढाथोकीको अध्यक्षतामा सुरु भएको कार्यक्रमको संचालन नगर सचीव जीवन सिंह ठकुरीले गर्नु भएको थियो।
