माओवादी रुपान्तरण अभियान अन्तर्गत वक्तित्वकला प्रतियोगिता सम्पन्न

जनजनमा माओवादी,घरघरमा माओवादी,जनतासंग माओवादी विशेष रुपान्तरण अभियान,सृजनशिल सप्ताह अन्तर्गत अखिल नेपाल किसान महासंघ ( क्रान्तिकारी केन्द्र ) जिल्ला समन्वय समिति सल्यानको आयोजना उक्त प्रतियोगिता सम्पन्न भएको हो ।कार्यक्रममा बोल्दै नेकपा माओवादी केन्द्रका केन्द्रिय सदस्य कृति बहादुर पुन ( प्रकाण्ड)ले दस बर्षिय जनयुद्धको उपलब्धि लाई संस्थागत गर्न माओवादी रुपान्तरण अभियानले सकारात्मक भुमिका खेल्ने बताउनु भयो ।उहाँले माओवादीको अगुवाइमा ल्याइएको व्यवस्थाले आज नेपाली जनताले आफ्ना हक अधिकारका लागि जस्तो सुकै परिस्थितिमा पनि बुलन्द आवज उठाउन सक्ने सहज वातावरण भएको बताउनु भयो । पार्टीका जिल्ला संयोजक तथा शिद्वकुमाख गाउँपालिकाका इन्चार्ज समेत रहेका पुनले,समृद्ध राष्ट्र निर्माणमा बिद्यार्थीको महत्त्वपूर्ण भुमिका रहने भएकाले बिद्यार्थीहरुले पनि राष्ट्र निर्माणको लागि सोच्नु पर्ने समय आएको बताउनु भयो ।उहाँले नेपाल जस्तो सवै क्षेत्रको सम्भावना बोकेको देश लाई छोडेर बिदेशी भुमिमा श्रम गर्ने युवा शक्तिलाई देशमै केही गर्न सक्ने बाताबरण निर्माण गर्न आवश्यकता रहेको बताउनु भयो ।कार्यक्रममा पुनले बक्तित्वकला प्रतियोगितामा विभिन्न स्थान ल्याउन सफल बिद्यार्थीहरुलाई शैक्षिक प्रगतिको कामना सहित बधाई दिनु भएको थियो ।