१३ साउन २०८०/ सल्यान
शारदा नगरपालिका वडानं.७ मा वडा अध्यक्षको अगुवाइमा सडक मर्मत गरिएको छ ।
शुक्रवार वडा नं. ७ मा पर्ने रामेखोला, कालिका, र्याले हुदैँ ओखे्रेनी जोड्ने सडकको मर्मत गरिएको हो । वडाअध्यक्ष लिला बहादुर रोकाको नेतृत्वमा उक्त सडक मर्मत गरिएको हो ।
बर्खाको समयमा परेको पानीले सडक खाल्डाखुल्डी भएको र डोजरको प्रयोग गर्दा सडक हिलाम्मे भएर सवारीसाधन सञ्चालनमा थप समस्या हुने भएकाले स्थानियको सहभागितामा सडकको मर्मतसम्भार गरिएको वडाअध्यक्ष रोकाले बताउनु भयको छ ।
उक्त कार्यमा,जनप्रतिनिधि, बुद्धिजिविसँगै करिब २ सय ५० बढी स्थानियको सहभागिता रहेको थियो ।सडकको मर्मतसम्भार हुने र सामाजिक कार्यमा नागरिकको सहभागिता बढ्ने भएकाले मर्मतको काम गरिएको वडा अध्यक्ष रोकाले बताउनु भयो ।
