२१ असार २०८० / सल्यान
सल्यानमा गुड्दै गरेको गाडीमा करेन्ट लागेर २ जनाको मृत्यु भएको छ ।
दाङ तुलसीपुर बाट रोल्पाको डल्सिङ्गे तर्फ जादै गरेको रा १ ख ८३४ नम्बरको बसमा करेन्ट लाग्दा रोल्पा गंगादेव गाउँपालिका वडा नं.४ सुवाटोट्केका एकै घरका बाबु छोराको मृत्यु भएको हो ।
सल्यानको कपुरकोट गाउँपालिका वडानं.३ गोठेरीमा विहिवार विहान साढे १० बजे भएको घटनामा परी अन्दाजी ७२ बर्षिया बाबु कालुराम डाँगी र ४२ बर्षिया छोरा टोपिलाल डाँगीको मृत्यु भएको जिल्ला प्रहरी कार्यालय सल्यानले जनाएको छ ।
उक्त घटनामा परि छत्रेश्वरी गाउँपालिका वडानं.६ लान्तीका ३४ बर्षिया गाडी धनि महेन्द्र वली घाइते भएको र वली लाई उपचारको लागी दाङ तर्फ रिफर गरिएको प्रहरीले बताएको छ।
