३ बैशाख २०८०/ सल्यान
सल्यानमा माटोको ढिस्कोले पुरिदा एकजनाको ज्यान गएको छ भने एक जना घाइते भएका छन् ।
जिल्लाको बागचौर नगरपालिका वडा नं.२ थारमारे ठिनबाङ्ग खोलामा भएको उक्त घटनामा परी बागचौर नगरपालिका वडा नं.१ कोटवेत धारापानीका अन्दाजी १७ बर्षिया नविन केसीको ज्यान गएको छ भने सोहि ठाउँका २५ बर्षिया राजन बस्नेत घाइते भएका छन् ।
राप्ती राजमार्ग अन्तर्गत ठिनबाङ खोलामामा सडक मर्मतका लागी तारजालि भर्ने क्रममा माटोको ढिस्कोले पुरिदा घाइते भएका केसीलाई जिल्ला अस्पताल सल्यानले मृत घोषणा गरिएको जिल्ला प्रहरी कार्यालय सल्यानले जनाएको छ ।
घाइते राजन बस्नेतलाई बागचौरमा रहेको जनप्रिय पोलिकिल्निकमा उपचार पछि थप उपचारका लागी नेपालगन्ज रिफर गरिएको हस्पिटलका संचालक कृति बहादुर वलीले बताउनु भएको छ।उहाँले घाइते बस्नेतको अवस्था सामान्य रहेको बताउनु भयो ।
