०५ माघ २०७९
सल्यानको एक गाउँमा पहिलो पटक यात्रुबाहक गाडि पुग्दा स्थानीय बासी खुसी भएका छ्न ।
जिल्लाको छत्रेश्वरी गाउँपालिका वडा नं. १ को दमाचौर पलाटेमा पहिलोपटक गाडि पुग्दा स्थानिय खुसी भएका हुन् ।
विहिवार गाडि उद्घाटन गर्दै छत्रेश्वरी गाउँपालिका वडा नं.१ का वडा अध्यक्ष प्रकाश हमालले पलाटेका जनतालाई यातायात सेवाको पहुँच पुर्याउने प्रतिबद्धता अनुरुप आफुले काम गरेको बताउनु भएको छ ।वडा अध्यक्ष हमालले आगामी दिनमा पनि जनपक्षीय काम गर्दै अगाडि बढ्ने बताउनु भएको छ ।
छत्रेश्वरी गाउँपालिका वडा नं.१ बाट आर्थिक वर्ष २०७९/०८० मा विनियोजित रकम ८ लाखको लागतमा जरालोटे-पोखरी-ससेखोला हुदै जलेखर्क जोड्ने सडक निर्माण कार्य सम्पन्न भए लगत्तै बस संचालन गरिएको हो ।
शारदा यातायात सेवा प्रालि सल्यानको ना ७ ख ९५५८ नम्बरको यात्रुबाहक बस गाउँमा पुग्दा स्थानियहरुमा खुसीयालि छाएको थियो ।
