०९ पौष २०७९ / महेश वली सल्यानमा भेरी नदी किनारमा जाजरकोटका बिक्रान्त केसीको सव फेला परेको छ ।
जिल्लाको बनगाड कुपिण्डे नगरपालिका २ कालिभिर नजिकै भेरी नदी किनारमा जाजरकोट भेरी नगरपालिका वडा नं.३ का अन्दाजी २६ वर्षीय बिक्रान्त केसीको शव फेला परेको हो ।
गत कात्तिक ८ गते देखि जाजरकोटका केसी हराइरहेका र खोजतलास गर्र्ने क्रममा शनिबार उनको शनाखत भएको जिल्ला प्रहरी कार्यालय सल्यानका निमित्त प्रहरी प्रमुख गोपालप्रसाद श्रेष्ठले जानकारी दिनु भएको छ । शवको शनाखत र मुचुल्का उठाउने काम भइरहेको र मुचुल्का पछि शव पोष्टमार्टमका लागि जिल्ला अस्पताल पठाइने प्रहरीको भनाइ छ । सव भेरी नदीमा तैरिरहेको अवस्थामा स्थानीयले देखेपछि प्रहरीलाई खबर गरेका थिए ।
