१४ मंसीर २०७९
सल्यानमा भएको सडक दुर्घटनामा परि दुइजना घाइते भएका छन् ।
जिल्लाको शिद्वकुमाख गाउँपालिका वडा नं.१ पटारे नजिकै भएको सडक दुर्घटनामा परि एकै घरका आमा छोरा घाइते भएका हुन ।
रुकुम बाट दाङ तुलसीपुर तर्फ जाँदै गरेको रा ६ प ७४९८ नम्बरको मोटरसाइकल र विपरीत दिशा बाट आएको रा १ च १२४२ नम्बरको डब्बल क्याप एक आपसमा ठोक्किदा भएको दुर्घटनामा परि रुकुम सिस्ने गाउँपालिका वडा नं.६ छिप्रीदहका मोटरसाइकल चालक १९ बर्षिया सुदिप मल्ल र मोटरसाइकलमा सवार ४० बर्षिया निर्मला मल्ल घाइते भएको जिल्ला प्रहरी कार्यालय सल्यानले जनाएको छ ।
घाइते आमा छोराको उपचार श्रीनगरमा रहेको शारदा मेट्रो अस्पतालमा भैरहेको उनका आफन्तले बताउनु भएको छ ।
