१५ जेष्ठ २०७९
सल्यान कारागारमा रहेका दुई कैदिको कैद सजाय मिनाहा गरिएको छ।
५० प्रतिशत भन्दा बढी कैद भुक्तान गरेका सल्यान कपुरकोट गाउँपालिका र कालिमाटी गाउँपालिकाका दुई कैदी लाई १५ औं गणतन्त्र दिवसको अवसरमा बाँकी कैद मिनाहा गरिएको हो ।
बहुविवाह र कर्तव्य ज्यान मुद्धाका कारागारमा जेल सजाय भोगी रहेका दुवै जनाको चालचलन राम्रो भएको र ५० प्रतिशत भन्दा बढी कैद भुक्तान गरि सकेका दुई जनालाई गणतन्त्र दिवसको अवसरमा बाँकी कैद मिनाहा गरिएको कारागारका बल बहादुर केसीले बताएका छन् ।
राष्ट्रपतिबाट नेपालको संविधानको धारा २७६ बमोजिम फौजदारी कसुर (सजय तथा कार्यान्वयन) ऐन, २०७४ को दफा ३७ लगायतका विभिन्न कानूनको आधारमा उक्त मिनाहा दिइएको जनाइएको छ ।
