२१ चैत / हरिभक्त भण्डारी
सल्यानको बागचौर नगरपालिका वडा नं.१ को तेस्रो वडा अध्यक्ष कप खेलकुद प्रतियोगिता सुरु भएको छ ।
वडा अध्यक्ष कप खेलकुद प्रतियोगिताको उद्घाटन गर्दै बागचौर नगरपालिकाका नगरप्रमुख लोकमान बुढाथोकीले खेल क्षेत्रको बिकास गर्नको लागी तिनै तहका सरकार लागि पर्नु पर्ने बताए ।
राष्ट्रको समृद्धिका लागि खेलकुदको महत्त्वपूर्ण भुमिका रहने भन्दै सरोकारवाला निकायले बेलैमा सोच्नु पर्ने वताए ।
कार्यक्रमका प्रमुख अतिथि समेत रहेका बुढाथोकीले आफू नगर प्रमुखको रुपमा निर्वाचित भए यता बागचौर नगरपालिकामा विभिन्न खेलकुद प्रतियोगिता संचालन गर्दै आएको बताए ।उनले पाँच बर्षिय कार्यकाल अन्तर्गत २ बर्ष कोभिड १९ ले गर्दा खेल क्षेत्रमा प्रभाव परेको बताएका हुन ।बुढाथोकीले खेलाडीहरुलाई अनुशासन तथा लगनशीलताको आधारमा खेलमा सहभागी हुन आग्रह गर्दै नगरपालिका स्तरीय मेयर कप प्रतियोगितामा भाग लिने गरि खेल खेल्न अनुरोध गरेका हुन ।
वडा अध्यक्षकप प्रतियोगिता उद्घाटन सत्रमा नेकपा एमाले बागचौर नगरकमीटी सह-सचिव शोभाराम बस्नेत, नेपाल काङ्ग्रेस वडा नं. १ सभापति गजेन्द्र केसी, न्यायघाट आधारभुत विद्यालय, कोटवेतका प्रधानाध्यापक लोकेन्द्र कुमार बुढाथोकी लगाएका ले शुभकामना मन्तव्य राखेका थिय ।चैत्र २३ गतेसम्म संचालन हुने कार्यक्रममा विभिन्न प्रतियोगितात्मक खेलहरु संचालन गरिने वडा कार्यालयले जनाएको छ ।
वडा नं. १ का वडाध्यक्ष नेत्र वहादुर डाँगीको सभाध्यक्षता, वडा सदस्य गणेश बस्नेतको स्वागत मन्तव्य बाट सुरु भएको कार्यक्रमको संचालन नवीन सुनारले गरेका हुन ।
