६ चैत २०७८ सल्यान दार्मामा रहेको जनज्योति माध्यमिक बिधालयले राष्ट्रपति रनिङ शिल्डको उपाधी हात पारेको छ । 
चैत ३ गते बाट सल्यान दार्माको फारुलाचौरमा भएको शहीद स्मृति कप तथा राष्ट्रपति रनिङ शिल्डको उपाधी जनज्योति माध्यमिक बिधालयले हातपारेको हो ।प्रतियोगितामा कुल २५ पदक हात पार्दै उपाधि उचालेको जनज्योति माध्यमिक विद्यालयले ११स्वर्ण ,७रजत र ७ कास्य गरी २५ पदक हात पार्न सफल भएको हो । यस्तै ८स्वर्ण ६रजत ४ कास्य गरी १८ पदक सहित सूर्योदय मावि गोठिबन दार्मा ६ दित्तिय, ४स्वर्ण ९रजत ८ कास्य गरी २१ पदक सहित राष्ट्रिय मावि दार्मा कोट दार्मा १ तृतीय भएका छन् । 
यस्तै बाल कल्याण मावि भुबनटाकुरी दार्मा २ले २स्वर्ण २ रजत २ कास्य जम्मा ६ पदक ,नेपाल राष्ट्रिय मावि ढाकाडामकोट दार्मा ५ ले २ स्वर्ण २ रजत २ कास्य सहिद ६ पदक , नव सर्वसाधारण मा वि रातामाटा दार्मा ४ले १ स्वर्ण १ रजत , ५ कास्य गरी जम्मा ७ पदक जित्न सफल भएका छन् ।
तीन दिनसम्म सञ्चालन भएको प्रतियोगितामा भलिबल छात्र ,छात्रा , हाई जम्प छात्र छात्रा, लङ जम्प छात्र छात्रा ,त्रिपल जम्प छात्र छात्रा, सट फुट छात्र छात्रा, ज्याब्लिङ थ्रो छात्र छात्रा , कपडी छात्र छात्रा, दौड २०० मिटर छात्र छात्रा, ८०० मिटर दौड छात्र छात्रा , १५०० मिटर दौड छात्र छात्रा , १६०० मिटर रिले दौड छात्र छात्रा ३००० मिटर दौड छात्र छात्रा, ८४०० मिटर रिले दौड छात्र छात्रा, १००८४ मिटर रले दौड छात्र छात्रा प्रतियोगिता सञ्चालन गरिएको थियो ।
