६ चैत २०७८ बागचौर नगरपालिका वडा नं.७ मा बिधुत उद्घाटन गरे संगै नगरका सम्पुर्ण वडा कार्यालयहरुमा बिधुत बलेको छ ।
आइतबार बागचौर नगरपालिका वडा नं.७को वडा कार्यालय कोटवारामा बिधुत उद्घाटन गर्दै बागचौर नगरपालिकाका नगरप्रमुख लोकमान बुढाथोकीले नगरका १२ वटै वडा कार्यालयहरुमा बिधुत बाली सकिएको र अबको लक्ष्य भनेको प्रत्येक टोल बस्तीहरुमा बिधुत बिस्तार गर्ने रहेको बताए ।उनले बागचौर नगरपालिकामा बिधुत बिस्तारमा सोचे जति काम गर्न नसक्नुको मुख्य कारण उपभोक्ताले बिनियोजन गरेको बजेट कार्यन्वयनमा ल्याउन नसक्नु रहेको बताए । 
कार्यक्रममा बागचौर नगरपालिका वडा नं.७ का वडा अध्यक्ष शेर बहादुर घर्ती,वडा सदस्यहरु ओमकार वली,अंगेश्वर वली,नेकपा माओवादी केन्द्रका बागचौर नगरकमिटी अध्यक्ष सोभाराम भण्डारी,नेपाल बिधुत प्राधिकरणका कर्मचारी भरत रावत लगाएतको सहभागीता रहेको थियो ।
