२३ मंसीर २०७८
सल्यानमा नाच हेर्न गएका एक बालक मृत अवस्थामा फेला परेका छन् ।
जिल्लाको कपुरकोट गाउँपालिका वडा नम्बर ६ सिन्वाङ रातामाटा निवासी अन्दाजी १६बर्षिया टेक बहादुर बोहरा मृत अवस्थामा फेला परेको जिल्ला प्रहरी कार्यालय सल्यानले जनाएको छ ।बुधबार बेलुका बिहेको नाच हेर्न भनेर घर देखी रिम गएका उनी बिहीबार बिहान सम्म घर नफर्किपछि खोजतलास गर्दैगर्दा कपुरकोट गाउँपालिका वडा नम्बर ५ रिमको ओखरपाटामा दिउसोँ शव फेला परेको प्रहरीले जनाएको छ ।
भिर भएको गोरेटो बाटो देखी करिब ५० मिटर तल, तोरी बारीको केही मिटर माथि शव फेला परेको प्रहरीको भनाइ छ । घटनाको बारेमा अनुसन्धान भैरहेको प्रहरीले जनाएको छ ।
