चैत्र ५, सल्यान
सल्यानको कपुरकोट गाउँपालिका वडा नं २ दानवाङमा विहिबार विहान आगलागी हुँदा दुई घर पूर्ण रुपमा जलेर नष्ठ भएका छन् । अर्काे एक घरमा पनि सल्कीएको आगो स्थानीयले नियन्त्रणमा लिएका छन् । स्थानीय शुक बहादुर बुढा, खर्क बहादुर घर्ती र केशर घर्तीको घरमा आगलागी भएको हो ।
शुक बहादुर र खर्क बहादुरको घरमा भएका नगद, गरगहना संगै अन्नपात, लत्ता कपडा, भाँडाकुडा सबै जलेर नष्ठ भएका छन् । श्रीमानले भखैरै विदेश बाट पठाएको दुई लाख ५० हजार रुपैयाँ र एक तोला सुन आगलागीमा जलेको खर्क बहादुरकी बुहारी हेमा घर्तीले जानकारि दिइन् ।
यस्तै शुक बहादुरले पनि आफ्नो घरमा भएको नगद १५ हजार रुपैयाँ जलेर नष्ठ भएको बताए । आगलागिको कारण भने खुल्न सकेको छैन स्थानीयहरु, नेपाल प्रहरी लगाएतले आगोलाई नियन्त्रणमा लिएर नजिकै रहेका अन्य घरमा क्षति हुनबाट जोगाएका थिए ।
