उत्तर कुमार साहु
चैत्र २१ सल्यान
सल्यानको शारदा नगरपालिकाले दैनिक मजदुरी गर्ने करिब ३ सय विपन्न घर परिवारहरुलाई खाद्यान्न वितरण गरेको छ ।
लकडाउनको समयभित्र अत्यावश्यक दैनिक सामग्री जोहो गर्न नसक्ने, ज्याला मजदुरी गरि परिवार चलाइ रहेका निम्न आर्थिक अवस्था भएका परिवारहरुको पहिचान गरि खाद्यान वितरण गरिएको हो । लकडाउनको समयावधिलाई मध्यनजर गर्दै शारदा नगरपालिका भित्रका वडा नं। १, २, ४, र ५ का बिपन्न परिवारलाई खाद्यान्न सामाग्री बितरण गरिएको हो । लकडाउनको कारण समस्यामा परेका अतिविपन्न, ज्यालादारीमा काम गर्ने मजदुर, असहाय, एकल महिलाहरुलाई वडा कार्यलय बाट पहिचान गरि वडा कार्यलयको सूचनाका आधारमा नगरपालिकाले करिब २ हजार बराबरको खाद्यान्न वितरण हो । खाद्यनमा २५ किलो चामल, ३ किलो दाल, २ किलो नुन, १ लिटर तेल र सरसफाईको लागी साबुन वितरण गरिएको छ । लकडाउनको अवधीभर पुग्ने गरी शारदा नगरपालिका भित्रका सबै वडाका विपन्न परिवाहरुलाई खाद्यान वितरण गरिने शारदा नगरपालिका का मेयर सुरेश अधिकारीले बताए । नगरपालिकाका अनुसार अन्य वडाको विपन्न र दैनिक ज्यालादारी गरेर जिविकोपार्जन गर्ने ब्यक्तिहरुको लगत संकलन भैरहेको र संख्या एकिन हुन वित्तिकै राहत वितरण गरिने बताइएको छ । ।