माघ ५, सल्यान
सल्यान जेसीजको अध्यक्षमा घनश्याम अधिकारी निर्वाचित भएका छन । विगत १२ बर्षदेखि श्रीनगरमा व्यवसाय गरिरहेका अधिकारी निर्विरोध अध्यक्ष बनेका छन ।
अधिकारी बन्धु पोलिक्लिनिकका संचालक अधिकारीले अध्यक्ष बनेपछि जिल्लाका विभिन्न स्थानमा निशुल्क स्वास्थशिविरलाइ प्राथामिकता दिने बताए ।
जेसीज बर्ष २०२० का लागि श्रीनगरमा शनिबार भएको साधारणसभाबाट ८ जना निर्वाचित भएका छन भने बाँकी ७ जनालाई मनोनयन गरिने निर्वाचन अधिकृत तथा त्रिभुवन नगर जेसीजका पुर्व अध्यक्ष दीपक शर्माले जानकारी दिए । श्रीनगरमा भएको साधारण सभामा उनले जेसीजले व्यक्तित्व र नेतृत्व विकास गर्ने भन्दै त्यसैबाट सामाजिक काम गर्न सकिने धारणा राखे ।
साधारणसभाबाट कार्यकारी उपाध्यक्षमा डम्बर केसी र सुरज वली, उपाध्यक्षमा मोहन डाँगी, हपिस भण्डारी, तारक बस्नेत र गंगाराम डिसी अनि सचिवमा गणेश वि.क चयन भएका छन । महासचिव लगायत ७ जनालाई अध्यक्षले मनोनित गर्ने जेसीज सल्यानले जनाएको छ ।
२०१७ सालमा निर्माण भएको सल्यान जेसीजको नेतृत्व यसअघि राजेन्द्र कुमार थापाले गरेका थिए । पदहस्तान्तरण कार्यक्रम आगामी माघ ११ गते गरिने र साधारणसभाबाट नयाँ सदस्यहरुलाइ जेसीजमा आवद्ध गराइएको जेसीजका संस्थापक सदस्य समेत रहेका दीपक कुमार बोहराले बताए ।
