सल्यानमा विद्यालय स्तरको ३ दिने क्रिकेट प्रतियोगिता आज देखि शुरु

 

दियो अनलाइन
भाद्र १३, सल्यान

सल्यानमा विद्यालय स्तरको ३ दिने क्रिकेट प्रतियोगिता आज देखि शुरु भएको छ । एमएम एकेडेमीले आयोजना गरेको एमएम एकेडेमी कपको शुक्रबार शारदा नगरपालिका प्रमुख सुरेश अधिकारीले उद्घाटन गरेका हुन । 
    राष्ट्रिय खेलाडि तथा युवा नेता मनोज सिंहको बलिङ्गमा प्रमुख अतिथी अधिकारीले व्याटिङ्ग गरेर कपको उद्घाटन गरेका हुन । जिल्लाका विभिन्न ६ विद्यालयले प्रतियोगितामा सहभागिता जनाएका छन । 
खलंगाको लुहापिङ्ग मैदानमा विहान भएको उद्घाटन शत्रमा नगरमा प्रमुख सुरेश अधिकारीले आफुले खेलको क्षेत्रमा लगानी गरिरहेको बताउदै निजी तथा सरकारी सबै विद्यालयलाई एउटै नजरबाट हेरेको बताए । उनले कसैलाई काखा र कसैलाई पाखा नगरको तर्फबाट नहुने भन्दै विद्यालय गरेको यति ठुलो खेलको स्रहना गरेका थिए । 
    कार्यक्रममा नेपाल पत्रकार महासंघ सल्यानका अध्यक्ष प्रतिक इच्छुक शर्मा, राष्ट्रिय खेलाडी मनोज सिंह, प्याव्सन सल्यानका अध्यक्ष पुर्ण बहादुर भण्डारी लगायतले शुभकामना मन्तव्य राखेका थिए । महेश देवकोटाको अध्यक्षतामा भएको उद्घाटन कार्यक्रमको संचालन पुर्ण बहादुर बस्नेतले गरेका थिए । 
प्रतियोगितामा आयोजक एमएम एकेडेमी खलंगा, त्रिजमावि खलंगा, नेरामावि कपुरकोट, लङ्ग ग्रीन रीभर सल्लीबजार, ज्योतिपुञ्ज एकेडेमी साहुटोल र मोर्डन तुल्सी एकेडेमी श्रीनगरले सहभागिता जनाएका छन । 
तिन दिनसम्म हरेक दिन दुई खेल हुने प्रतियोगितामा आज पहिलो चरणको खेलमा एमएम एकेडेमी तथा लङ्ग ग्रीन रीभर सल्लीबजार अनि दोस्रो चरणमा त्रिजमा खलंगा अनि ज्योतिपुञ्ज एकेडेमी साहुटोल छन । 
भोलीको खेलमा विहान ज्योति पुञ्ज र मोर्डन तुल्सी अनि दिउसो ग्रीन रीभर सल्लीबजार र नेरामावि कपुरकोट प्रतिस्पर्धामा छन । आइतबार विहान त्रिजमावि खलंगा र मोर्डन अनि दिउसा नेरामावि कपुरकोट र आयोजक एमएम प्रतिस्पर्धामा छन ।  

प्रतिक्रिया दिनुहोस