७ जेष्ठ सल्यान
बागचौर नगरपालिका सल्यानको आयोजनामा जेठ १ देखि सुरु भएको प्रथम मेयर कप खेलकुद प्रतियोगिता सोमबार सम्पन्न भएको छ ।
उक्त कार्यक्रममा नगरपालिकाका १२ वटै वडाहरुबाट विभिन्न खेलमा खेलाडीहरु विच प्रतियोगिता संचालन गरिएको थियो ।
जस मध्ये पुरुष फुटवलमा १ स्वर्ण, पुरुष लंगजम्पमा १ स्वर्ण, वक्त्तृत्वकलामा १ स्वर्ण, कवड्डीमा १ स्वर्ण,हाजिरीजवाफमा १ रजत , र कवड्डी महिलामा १ रजत हासिल गरि वडा नं. २ ले प्रथम स्थान प्राप्त गरि सिल्ड हात पार्न सफल भएको छ ।
त्यस्तै १५०० मिटर दौडमा १ स्वर्ण, कवड्डीमा १ स्वर्ण, लंगजम्पमा १ स्वर्ण, भलिबल महिलामा १ रजत, सटफुटमा १ रजत, १०० मिटर महिला दौडमा १ रजत, हाइजम्पमा १ रजत, १०० मिटिर पुरुष दौडमा १ कास्य प्राप्त गरि वडा नं. १ ले दोस्रो स्थानहासिल गरेको छ ।
र वडा नं. ३ ले तेस्रो स्थान प्राप्त गरेको छ ।
जसले महिला भलिवलमा १ स्वर्ण, १५०० मिटर महिला दौडमा १ स्वर्ण, पुरुष हाइजम्पमा १ स्वर्ण, १५०० मिटर पुरुष दौडमा १ रजत, लंगजम्पमा १ रजत, महिला हाइजम्पमा १ कास्य, बक्त्तृत्वकलामा १ कास्य र १०० मिटर महिला दौडमा १ कास्य हात पारेको छ ।
विजेता टिम तथा खेलाडीहरुलाई ट्रफी, मेडल, प्रमाणपत्र तथा नगद पुरस्कार प्रदान गरिएको थियो ।
समापन कार्यक्रममा बोल्दै सभाध्यक्ष तथा बागचौर नगरपालिकाका नगर प्रमुुख लोकमान बुढाथोकीले खेलकुद क्षेत्रबाट बागचौर नगगरपालिकाका खेलाडीलाई राष्ट्रिय तथा अन्तराष्ट्रिय क्षेत्र सम्म पुर्याउनको लागि नगरपालिकाले एस्ता खालका प्रतियोगितात्मक कार्यक्रम लाई निरन्तरता दिइरहने बताउनु भयो ।
साथै कार्यक्रमलाई लाई सफल बनाउन भूमिका खेल्ने विभिन्न व्यक्ति संघ, संस्थालाई धन्यवादका साथ सम्मान समेत गरिएको थियो ।
उक्त प्रतियोगिता जनकल्याण नमुना माविको मैदानमा जेठ १ देखि ६ गते सम्म संचालन भएको थियो ।
